Start
Kontakt
Impressum
Sitemap
Am Anfang – so schreibt Moses der Vefasser,
war alles leer, nur ER, ER schwebt iwwer’m Wasser.
Un aus Langweil – so glaab isch,
hat er erschaff dann disch un misch!
Zuerscht probiert er’s mit de Affe,
doch was ned dass, was er wollt schaffe.
Dann macht’r uns, dass war noch schlimmer,
druff lost er’s bleiwe – un zwar fier immer!
Dann noo dem Balawer um die „Granny Smith’s“
hat er se aus dem Paradies geschmiss.
„Schaffe fort eisch – awwer flott!“
War der Befehl vum liewe Gott!
Jetzt schaffe ma Schdunn um Schdunn,
de Spaß debei isch längscht veschwunn.
So manscher isch’s durch’s Schaffe uff de Erd,
ganz schnell ins Paradies serrick gekehrt!
So, dass Gedischd isch faschd vollend,
un isch bin mit de Kraft am End.
Dass Dischde hat misch ganz geschafft –
un trotzdem hat’s ma Spass gemacht!
Schdunnelang han isch gebried,
wie ma hoffentlisch jetzt aa sieht,
drum, wenn isch’s jetzt ins Bett ned schaff,
dann grie isch morje nix geschaff!
Bildquellen:
- Vorschaubild: Leere Bierkiste, Herbert Kihm
- Michelangelo: Sündenfall, Sixtinische Kapelle, via wikipedia commons, gemeinfrei
Weitere Beiträge dieser Rubrik
Ein Projekt des 
Verlags Weimar
und des 
Trägerwerk Soziale Dienste
Startseite . Kontakt . Impressum . Datenschutzhinweise . Sitemap