Max und Moritz auf saarländisch

(inspiriert von : "Max und Moritz", 4. Streich, Wilhelm Busch)

In di Penn geh’n - aa in Kaschdel muss dass sinn,
wo kääm‘e ma sunnschd hin?
Lääder duud das ABC,
beim Lerne manchem weh!

Lääse, Schreiwe, Iwwersetze - alles rischdisch,
un irschendwie schunn wischdisch,
Biologie, Geometrie,
braucht ma aa, so irschendwie.

Awwer lerne misst die Juchend,
Anschdant, Fleiß, Moral unn Tuchend
- dass isch doch es A unn O
unn doofier sinn die Lehrer doo.

De Rudi unn de Ernscht hann absolut
mit denne Paucker nix am Hut,
die wolle doch nur Unsinn mache
doo gebt‘s fier Lehrer nix zum Lache.

Der guddeMüller war ganz dischdisch,
un was er macht, dass macht er rischdisch.
Es Raache war de äänzisch Spass,
noo sechs Schdunne vor de Klass,
un dem Schdress im Schuulbetrieb
bischde ferdisch wie e Rieb!

So wollde dann die beese Bengel,
ihm zeische was e Racheengel !
„Vielleischd kännt ma ne ferdisch mache,
wenn er sei Peif raacht - s’wär zum Lache!“

Wie er widder moo- ganz brav unn bieder
sunndaas in de Käärsch die Lieder
runnerorscheld, so wie‘s angemesse
halt so isch in Sunndaasmesse!

Wäredesse schleischt die fräsche Brut
äänfach soo aus Iwwermut
In seim Heisje an sei Disch
wo die Peif veschdeggelt isch.

Guck, de Rudi holt e Pooleböller,
(geklaut bei Drogerie Fritz Schöller)
unn schdoppd – hopplahopp
de Sprengsatz in de Peifekopp.

Jetz nix wie aus dem Haus eraus
s’werd aa Zeid, die Kärsch is aus!

Unnerm Arm die Nodemapp
schließt Müller grad die Kärsch noch ab,
s’isch jetzt 12 Uhr finf exakt
unn er hatt’s widder Moo gepackt.

Gemähschlisch geht’s jetzt noo dehääm,
wo er wohnt, schunn lang alään!
Außerdem isch er jetzt reif
fier e guddi Tuwackspeif!

“Aa, wie scheen“, denkt er bei sisch,
„wenn alles doch so friedlich isch!“

RUMMMS! ------- doo gäbbd’s e Dunnerschlach,
es ganze Haus isch voller Raach,
de Sessel, s’Läptop unn die Tass,
e Rotweinglaas, de ledscht Erlass,
dass Mauspädd unn de gudde Füller,
flieht dorsch die Luft –was isch mit Müller?

Erschd woo sisch de Qualm duud lehe
sieht ma ne langsam sich bewehe!
Awwer er isch schwer lädiert
unn ganz scheen veschammeriert!

Raaweschwarz bis in die Pore
isch es Gesischd bis an die Ohre
unn aa die wunnerscheene Hoor
kannsch’de vegesse - schaadefoor!

Wer soll jetzt die Schuul noch halde
odder wer soll se vewalde?
Wer soll orschele, dekliniere
unn die Klassebiescher fiere?
Isch die Kadaschdrofned schunn perfekt,
wenn doo debeisei Peifverreckt?

Doch noo un noo werd Daa fier Daa
alles widder wie es war!
Nur de Müller hat - ganz heldehaft,
ab sofort niemeh gepafft!

*****

Vorschaubild: "Lehrer Lämpel", Zeichnung von Wilhelm Busch.