Jeder will die Zeit fixiere
un hat se doch so oft vepasst,
im Schloof, im Bett, bei blinder Hast,
im Lieweswahn, beim Simmeliere.
.
Duu‘sch de oft doch, ganz gelasse,
dei Zukunft plane, klipp un klar,
es Ziel vor Aue - wunnerbar -
muscht de doch im Läwe passe!
Jeder hofft doch uff e bissje Glick,
winscht offt sisch dann die Zeit serrick.
Doch kännem isch dass je gelung,
hat Schdress un Kummer nur gebrung!
Dass Drähe an dem Rad de Zeit,
die Jacht noo Juchend, Luschd un Freid,
dass bleibt in jedem Mensch dass Schdrewe
- obwohl‘s die Wennischde erläwe!
Die Zeit, sie flieht, du haschd kä Wahl
- s‘isch fier viele oft brutal -
genieß drum jede Aueblick,
du lääbscht nur heit, gugg ned serrick!