Start
Kontakt
Impressum
Sitemap
- Hat dir eigentlich das Mittagessen geschmeckt?
- O, ich hann schunn besser gess!
- Awwer nit bei mir!
- Ne, bei meiner Mudder.
- Du un die Mudder, du hätst solle dei Mudder heirate.
- Ei jo, die hat mich noch vor dir gewarnt.
- Was gibt's dann üwwerhaupt zu grinse?
- Ich grinse doch garnit.
- Ich han doch genau gesiehn, wie du gegrinst haschd.
- Du siehst nit mehr gut. Kaaf dir mol e nei Brill.
- Wenn du dich nit auf mei Brill gesitzt hättes, brauchte ich keine.
- Der Optiker hat gesaat, das wär nit so schlimm gewesen. Die Brill hätt schon schlimmeres gesiehn.
- Jetzt guckst du schon widder no dem Mann do driwwe.
- Do kann ich doch nix dafür, der guckt ja ach.
- Awwer, der grinst ja auch noch.
- Ich kanns ihm nicht verbiete. Vielleicht grinst er über dich.
- Du hast nimme all Tasse im Schrank. Ich kenne denne kerl üwerhaupt nit, un do soll der über mich grinse.
- Vielleicht kummscht du ihm komisch vor.
- Du bischtd jo selwer komisch.
- Das is ko auch ken Wunner, wenn man so e Lahmarsch ist.
- Jett langts mir awwer. Hätsch dir solle e besserer Mann suchen.
- Han ich jo, ich han awwer kener gefunn.
- Jo, du hätsch liewer e Rennfahrer oder e Filmschauspieler gehan.
- Wie kummscht du dann jetzt auf de Filmschauspieler?
- Ei du sagst ja immer, dei Bruder wär beim Film. Dabei sitzt er nur an der Kinokass.
- Ja un, dafür braucht man ja auch Leit, sunschd würde sich noch mehr wie du
rinsschmuggele. - Das eenemol. Das grien ich jetzt dauernd unner die Nas gehall.
- O, du haschd jo noch mehr uffm Kerbholz.
- Das muss man sich von so eener Gesippschaft gefallen lasse. Am beschde wärs,
ich würd ke Wort mehr mit dir schwätze. - Dass is die enzig gut Idee, die du bis jetzt gehatt haschd.
Weitere Beiträge dieser Rubrik
Ein Projekt des 
Verlags Weimar
und des 
Trägerwerk Soziale Dienste
Startseite . Kontakt . Impressum . Datenschutzhinweise . Sitemap